旺角亞皆老街8號朗豪坊L11-13鋪
呢排成日聽到人地講去銅鑼灣貿易廣場個度食一間吉烈定食店. 個個都話唔錯, 不過有d 人話貴左小小.
個日經過朗豪坊見到有間新既食店開左, 上去睇睇個價錢, 都ok .. 唔係太貴 平均150 一個人左右.
上到去, 可能因為係近期開既關係, 都冇咩人, 遲d 就應該好多人等…
我叫左一個吉烈洋蔥豬扒定食, 我女友同我表姐叫左吉烈芝士千層豬扒, 同埋吉烈姜千層豬扒.
吉烈洋蔥豬扒定食: 好香洋蔥味, d 豬扒好香口, 同埋佢有一隻特別既醬汁係用係我個豬扒度既. 佢d 椰菜同埋飯係任”裝”. 另外毎個定食都包湯同埋漬物.
吉烈芝士千層豬扒: 呢個我都試左一件呀,認真, 我食唔到太多芝士味, 不過佢一層層咁, 幾得意.
吉烈姜千層豬扒: 呢個其實都上面個個差唔多, 不過中間係薑黎既
總括黎講: 都唔錯呀, 如果要試, 就快喇, 趁而加唔係咁多人去.
補充一點: 椰菜有分千切同薄切.
好耐都冇寫過blog 今次講下呢個好多人曾經提及過既咖喱芝士杯麵, 聽好多fd 講過呢個杯麵ok..
我終於都有機會試喇. 味道都唔錯, 不過略嚴芝士太少.. 同埋唔好加咁少水, 唔係會好”傑”
p.s: sogo 都有得買.
地址: 荃灣眾安街68號荃灣城市中心1期地下41-44號舖
女朋友生日同佢去左食呢間olive cafe, 係一位住係荃灣既朋友推薦我去食既.
去到時候, 見到入面裝修得好有情調.
入到去坐低左, 個待應都好有禮貌. 睇完menu 後, 就點左上面個幾樣野, 其中個個三文魚xxx 係個待應推介.. 我就點左二個set dinner.
什菜沙津:呢個係前菜, 個汁好特別, 唔知咩黎, 就係酸酸地, 甜甜地.
煙鴨胸爙鵝肝: 呢個都係前菜, 好香口, 同埋可能我本身鐘意食鴨胸, 所以我覺得呢個好好食呀.
黑松露炒蝴蝶粉: 呢個好好食, 第一次知道黑松露既味道. 真係好香茹味, 好特別, 值得一試.
三文魚蛋黃醬意粉:由於個蛋黃醬好漏, 所以食到最後, 都有d 食唔落喇.=.=||
今次好似食左380 到. 唔係太貴呀 
地址: 深水埗桂林街48號地下
地址: 深水埗褔榮街80號 <– 我去呢間
今日同個FD 去左食劉森記, 講左好耐話去食, 終於去左試喇. 其實唔係好難搵…
個日去到新個間店.. 都唔係好多人. arm arm 好有位, 咁我去到就點左黑牛柏葉蝦子撈麵, 我個朋友就點左水餃麵, 最後就叫多一個蝦籽淨雲吞.
黑牛柏葉蝦子撈麵: 牛柏葉好好食, 唔會太難咬, 好易入口, 蝦籽撈真係好好食, 今次我第一次食, 好味呀.
水餃麵: 呢個我朋友食既, 不過聽佢講, 佢話水餃好食個雲吞.
蝦籽淨雲吞: 好多蝦籽, 成碗都係, d 雲吞都唔錯.
我會搵日再去食多次先..
地點: 佐敦白加士街47號地下
因為本人係非常咁喜歡食蛋.. 自從一年前(好似係)食完之後. 一直念念不忘, 佢個種煮蛋方法, 真係好正. 我發覺無論我點煮. 都煮唔到出面咁食法. 真係唔知咩原因. 所以決定左要再去食多一次.. wahahhahhahhhahaha
星期六個日去左同親戚食飯, 慶祝生日. 本來係去鹿鳴春的. 但後來因為鹿鳴春訂唔到位, 所以最後就決定左去北京酒樓.
呢間酒樓. 我都係第一次黎. 所以都係抱住試試的心態.
呢地點其實有d 隱蔽, 唔係特登望一望 你係唔會知道係觀奇洋服隔離, 行樓梯上去既左手面. 我去到個陣時已經好多人喇. 我地大約三十個人到左. 等多半個鐘左右. 先入到去..
當時我的親戚好像點了二個餐.. 但就唔包下面個個乞兒雞
冷盤鹵水: 呢個菜係頭盤黎既 有海哲, 叉燒, 仲有一個素食卷. d 海哲好好食, 好滑, 個個素食卷 都好好食, 唔係太鹹. 有d 蘿蔔絲係中間.
賽磅蟹: 通常賽磅蟹都係冇蟹肉的. 但係係d 個賽磅蟹就加到蟹肉而且份量都唔小. 係我食過咁多次賽磅蟹. 呢個真係好好食.
高力豆沙: 其實呢個係最後上的. 不過d 相add 錯左次序. 至於呢個就ok 啦. d 豆沙都適中, 但可惜既係. 凍左……
白菜炒四鬆:呢個餸好特別, 從來都未食過. 根據待應所講綠色個d 係白菜炒成乾. 食落口感好似紫菜咁. 好好食;.. 上面有d 魚鬆.. 而係個底到就有四種料: 有冬菇, 魚, 雞肉 同埋筍.. 全部都用粉炸, 真係好特別, 好好食.
砂鍋雞煲翅: 至於呢個就好似係京菜唔小得既. ok ga… 都唔錯.
北京填鴨: d 鴨唔係好肥. 包落個皮到食.. 正呀. 好耐冇食過. 去到真係要試下.
蒸桂花魚: 呢個我就冇咩點食. 食左少少. 不過個經理話呢條係淡水既石斑. 好好味喎.
乞兒雞: 全晚最差就係呢個.. 完完全全唔好食. 無味既. 個待應好坦白咁話呢個菜係用黎厄外國人既.
糖醋蝦球: 好好味. 酸酸甜甜, 入面有蝦肉. 粉唔係好厚. 不過個陣時已經好飽, 覺得呢個菜份量好大.
瑤柱津白: 同平時d 津白唔同, 呢個有二種菜. 白菜同娃娃菜.
北京餃子: 可能食慣左有湯既水餃, 所以覺得呢個無湯既餃子 怪怪地. 不過都唔錯ga
XX湯圓: 呢個糖水, 個湯真係唔知咩黎. 不過普普通通.
總括黎講: 好抵食, 真係份量好大. 全晚食完. 除返好似都係200-250 一個左右, 其實唔叫乞兒雞的話, 應該只有150-200. 可以去食下呀. 由其是白菜炒四鬆<– 唔係真名.-.-
冬天就快黎到, 好多人都鐘意打邊爐, 暖一暖身, 所以呢排好多本雜誌都介紹緊火鍋, 眼見書報攤上至少有幾本都是, 分別有(u travel , hong kong walker, ishop and 新假期.etc).
當中我睇左既有u, ishop 同新假期. 係呢三本當中, 我覺得介紹得最好既係新假期, 可能因為數量多. 同埋比較近我適合既價錢 . 如果鐘意打邊爐, 可以買本黎睇下..
Recent Comments