這間店空間小小，但人坐得滿滿的，這可能是因為那香辣而惹味的香氣所致。
這間店名叫巴蜀烤全魚，當然其烤全魚就是他的主打菜了，不過一尾全魚都幾貴的，差不多要 200元，不過都有半尾可供選擇。

差不多所有烤全魚的菜式都是辣的，但還有一款式不是辣的，不喜/不食辣的人士可選擇這一道烤全魚→酸菜味烤全魚。
這一次，我們一行7人要了3尾烤全魚，香辣味烤全魚 x 2 + 香麻辣味烤全魚 x 1。
魚身一開始是烤了，然後再放在盤上慢慢煮沸，香氣四溢，辣味醒胃，真係好掂！

香辣味烤全魚，魚肉不是很腥 (少少點都有啦~)，辣得來不失魚鮮 ，而且點了辣油更變得惹味，想起都流口水；香麻辣味烤全魚則是加多了麻辣味道，因為味覺都被麻了，所以完全感受不到魚的鮮味，但因此更集中去感受其魚肉的嫩滑。

最後，那日還見到 李Sir (李修賢) 呢 ，見他在店內外穿插，招待朋友客人，應該是老闆之一。當然我們不錯失這個機會，與他合照一張啦~

是次行情每人 ~$100，個人覺得十分滿足，不過首先你要食魚 & 食得辣，不然錯過了一部分很好味的菜式。

這回是位於元朗，餐廳地方不算大，裝潢有特色，但比較暗就是。
店員都幾熱情，亦很細心介紹食物，服務不錯的。不多說了，開始說一下order了那幾道菜~

原煲菠菜鮮蠔湯

味道甚濃，蠔的鮮味滲進了白湯內，而菠菜又剛好中和一下蠔的濃郁味道，菜葉本身增加湯的質感，十分好飲。

南美燒烤拼盤 內有：牛扒/肉眼，豬脊骨/肋骨，幾條香腸(不同味道)，沙律，四塊烤餅

豬脊骨/肋骨 好似不太夠熟，不過店員幫忙拿去廚房燒多一陣子。總括來說，燒得很香，但好似不太夠味道，可能醃的時間不足。

紐西蘭牛肉眼 (10安士)                                      三文魚蛋包飯

這塊肉眼當然比之前那拼盤上的牛扒/肉眼好多了，牛肉味道濃厚，而且燒得很香，但肉汁還是保留在內，只是中間部分有點不夠熟，扣少少分 =)

三文魚蛋包飯用料都算足，除了三文魚外，有番茄、香草等，好似還有少許其他海鮮，又香又不錯吃，但比較細碟。

芝士旦(芝士蛋糕杯)

這個甜品…店員力推，所以每人要了一杯，但都有點後悔就是。雖說蛋糕，其實很似布甸吧..而且入口好粉呢…

整體來說，很不錯的肉食大餐呢~ 不過如果是想來這間一面嚐美食一面三五知記說話談天就有點難度，因為那一晚有駐場歌手(不知是否每晚都在?)，演唱時很難說話嘛，最不好的就是…我們不懂那些老歌啦…完全投入不能 (其實不太想聽…

最後每人 $180左右吧  (共5人)

某Weekend影完相，一行三人就來到元朗吃晚餐。
聽說元朗的壽司大件夾抵食，所以這回都是吃壽司刺身為主。

一開始路經金田，但見人好多在等，所以再走兩步到酒泉啦 (不過都是很多人)。其實都知道要等一下，不過可能因早上消耗過多體力，所以短短1小時就好似等了很久似的。

‧ 開胃小食 – 八瓜魚                                        ‧ (左起) 玉子壽司  醋醃鯖花魚壽司  海膽魷魚壽司

‧ 鰻魚壽司                                                  ‧ 蝦多士

‧ 雜錦刺身拼盤 (前|後)

小八爪魚不多說啦；壽司算得上大件(除左玉子之外…)，飯不會鬆散or太實，推介鰻魚壽司，真的很好味；鯖花魚沒有腥，但鮮味不足；蝦多士其實是炸粉包住蝦肉，這個粉皮很厚，還好不太油膩。

雜錦刺身拼盤(50件)，其實有想過另一個雜錦大件刺身拼盤(30件)，但開始的時候有點顧慮大小問題，所以選數量多點的 (其實本人有點想試試大件那個呢)。老實說，有沒有50件真的不知道，不過有些比一般還小一個碼 U_U，味道方面不錯，用料都幾新鮮。

吃了這麼多，每人(共3人)都是一張 100大元就出得門口，算是幾抵食。

某年某月某日，小弟的一群朋友相約在銅鑼灣Outback Steak House相聚。

單客叫的炸洋葱，份量給四至五人也沒問題，而洋葱也頗甜，作為前菜剛剛好；可是有人可能會覺得太過油膩和炸得太脆身。

跟著來的是跟餐的白湯。沒甚麼印像，普通的餐湯。

終於來了的正餐，同枱三位選的都是肉眼扒餐。

然後是小弟選的羊扒。

最後是甜品，在坐其中兩位選的是焦糖+朱古力蛋糕做底的甜品。雖然寫這文時已經不太記得名字了，但還清楚地記得那濃濃的朱古力的香味。

另外兩位吃的是忌廉+雪糕+朱古力蛋糕的甜品，味道如何小弟不知，但是朋友說這甜品的飽腹度很高，評價似乎亦不錯。

好了，圖全都看完，各位看倌可能奇怪(也可能猜到)為甚麼小弟偏偏是沒有評價主菜；在揭曉前先說一個後來和當日一位朋友的交談：

我「上次Outback的肉眼扒，你覺得如何？」
S「唔…扒身很厚吧？」
我「不要用給麥當勞足三兩級數的的評價啦！(笑)」
S「有一點根，扒的生熟程度有點不平均…」
我「…OK，那味道呢？」
S「………………」
我「很普通？」(S君點頭)

沒錯，前菜也好，甜品也好，服務也好，全部都有值得一讚的地方，可是偏偏重的主菜—扒餐，卻是普通得連找個形容詞來介紹也有難度。全餐最貴的一道菜卻是評價最底的一項，不可謂不諷刺。

Not bad, but not good enough, and that’s Outback.

地址 : 銅鑼灣告士打道280號世貿中心412室

據說是蔡瀾常到的食府之一，久聞這裡的吉列豬扒和椰菜，這天就和友人共五人一起試試。

在我們努力點好菜後，店員就為我們講解各醬料和如何磨芝麻。

選了良久，我們共選了六人的食物，其中包括：吉列豬扒、豬柳、炸生蠔、大蝦、串標大蒜。

吉列蝦：脆漿鬆脆，蝦肉爽口

吉列豬扒：雖是成名菜，吉列夠脆，只是豬扒好像有點乾

吉列蠔：外表脆，但咬落肉汁爆出來，吉列和蠔汁混在一起，非常美味！

吉列豬柳：比豬扒更多內汁，不知不覺就吃了一件又一件！

大蒜：普普通通，配豬扒吃尚可

不可不提的是任吃椰菜。吃完兩塊吉列覺得很油的時候吃一口椰菜，一陣清新的香味直達全身！有兩種醬油可選，紫菜醬小小酸又開胃是首選。

吃到店打烊，走的時候己經飽到 100% 了！結賬總共一千二百多，每人二百多元。

總的來說會推介沒來過的朋友來試試豬扒和蠔，但這樣 over 的食法不能時常光顧呢。另外要注意這裡周五沒有訂座，七時許來到的我們幾乎等了兩個小時才可入座！要是想來這裡晚飯就別選星期五了…

( 一稿兩投 @ reality！)

地址: 深水埗桂林街48號地下

地址: 深水埗褔榮街80號 <– 我去呢間

今日同個FD 去左食劉森記, 講左好耐話去食, 終於去左試喇. 其實唔係好難搵…

個日去到新個間店.. 都唔係好多人. arm arm 好有位, 咁我去到就點左黑牛柏葉蝦子撈麵,  我個朋友就點左水餃麵, 最後就叫多一個蝦籽淨雲吞.

黑牛柏葉蝦子撈麵: 牛柏葉好好食, 唔會太難咬, 好易入口, 蝦籽撈真係好好食, 今次我第一次食, 好味呀.

水餃麵: 呢個我朋友食既, 不過聽佢講, 佢話水餃好食個雲吞.

蝦籽淨雲吞: 好多蝦籽, 成碗都係, d 雲吞都唔錯.

我會搵日再去食多次先..

星期六個日去左同親戚食飯, 慶祝生日. 本來係去鹿鳴春的. 但後來因為鹿鳴春訂唔到位, 所以最後就決定左去北京酒樓.

呢間酒樓. 我都係第一次黎. 所以都係抱住試試的心態.

呢地點其實有d 隱蔽, 唔係特登望一望 你係唔會知道係觀奇洋服隔離, 行樓梯上去既左手面. 我去到個陣時已經好多人喇.  我地大約三十個人到左. 等多半個鐘左右. 先入到去..

當時我的親戚好像點了二個餐.. 但就唔包下面個個乞兒雞

冷盤鹵水: 呢個菜係頭盤黎既 有海哲, 叉燒, 仲有一個素食卷. d 海哲好好食, 好滑, 個個素食卷 都好好食, 唔係太鹹. 有d 蘿蔔絲係中間.

賽磅蟹: 通常賽磅蟹都係冇蟹肉的. 但係係d 個賽磅蟹就加到蟹肉而且份量都唔小. 係我食過咁多次賽磅蟹. 呢個真係好好食.

高力豆沙: 其實呢個係最後上的.  不過d 相add 錯左次序. 至於呢個就ok 啦. d 豆沙都適中, 但可惜既係. 凍左……

白菜炒四鬆:呢個餸好特別, 從來都未食過. 根據待應所講綠色個d 係白菜炒成乾. 食落口感好似紫菜咁. 好好食;.. 上面有d 魚鬆..  而係個底到就有四種料: 有冬菇, 魚, 雞肉 同埋筍.. 全部都用粉炸, 真係好特別, 好好食.

砂鍋雞煲翅: 至於呢個就好似係京菜唔小得既. ok ga… 都唔錯.

北京填鴨: d 鴨唔係好肥. 包落個皮到食.. 正呀. 好耐冇食過. 去到真係要試下.

蒸桂花魚: 呢個我就冇咩點食. 食左少少. 不過個經理話呢條係淡水既石斑. 好好味喎.

乞兒雞: 全晚最差就係呢個.. 完完全全唔好食. 無味既. 個待應好坦白咁話呢個菜係用黎厄外國人既.

糖醋蝦球: 好好味. 酸酸甜甜, 入面有蝦肉. 粉唔係好厚. 不過個陣時已經好飽, 覺得呢個菜份量好大.

瑤柱津白: 同平時d 津白唔同, 呢個有二種菜. 白菜同娃娃菜.

北京餃子: 可能食慣左有湯既水餃, 所以覺得呢個無湯既餃子 怪怪地. 不過都唔錯ga

XX湯圓: 呢個糖水, 個湯真係唔知咩黎. 不過普普通通.

總括黎講: 好抵食, 真係份量好大. 全晚食完. 除返好似都係200-250 一個左右, 其實唔叫乞兒雞的話, 應該只有150-200. 可以去食下呀. 由其是白菜炒四鬆<– 唔係真名.-.-

前日去左馬灣試食呢間輝記飯店, 其實就係入去栢麗灣, 我就係葵芳搭車入去, 應該係青衣城同荃灣都有車入去… 船都可以,

不過詳情我就無去查清楚喇.

開頭去到個度好大風, 仲要見唔到間野.. 原來間野要穿過藍球場先見到,

去到之後就開始點餸, 叫左黑椒蕃茄牛腩, 炒聖子, 風沙雞, 白灼蝦, 魚頭滾湯, 雜菜煲, 蒸鮑魚仔, 同埋一條石斑.

個風沙雞真係唔錯呀, 同網上講既差唔多, 而個個黑椒蕃茄牛腩 都好正, d 牛腩好多呀, d 蝦好靚呀, 食落隻隻實肉, 至於其他就ok 啦, 不過不失.

但係呢度其實真係唔貴, 六個人total 都係食左 1100 到, 計落 150-200 度一個人..

如果你想去下其他地方食下海鮮既話, 真係可以試下..